SAS FESTAS DE SA BIDDA.

Sant’Antoni de su fogu.. Sa traditzione de su fogarone est antiga meda. Custa festa si faghet onni annu su 16 de Ghennàrgiu e pro la bìdere chi benit gente dae onni logu. Sa festa si faghet atzendende unu fogarone mannu.. A poi de sa missa chi benit narada in sa crèsia antiga de Santa Maria (Nostra segnora) de sos Anghelos, unu cadderi cun s’Àrdia (pane azimu frunidu e tintu de Grogu) e s’istendardu de Sant’Antoni comintzat sa protzessione chi abarrat fintzas a sa piata in ue b’ est su fogarone e in ue, a poi de sa benedissione de su fogu, comintzat S'inghìriu de su fogarone. Su cadderi faghet ses giros a inghìriu a su falò, e benit sighidu dae sa popolatziones  chi giughet Tilicas  e binu. Custa festa est organitzada dae unu comitadu chi cumbidat a totu sa chena in ue si màndigat prus de totu peta.  

S’incravamentu est unu funtzione chi benit dae su tempus de sa dominatzione ispagnola e figat sa crocifissione de Cristu .

In sa chida santa  si preparant durches medas comente sas casadinas e sa tumballas,  durches de sa pasca.

Onni annu, su 31 de Nadale totu sos piseddos de sa bidda  faghent su candhelàrgiu. Onni piseddu, cun unu sacu biancu, tzocat in totu sas domos de sa bidda pro retzire fruta sica e durches.

Un’àtera ricurrèntzia traditzionale de  sa bidda est sa festa de Nostra Segnora de Su Zichi, celebratzione religiosa in sa cale si beneighet su pane zichi chi, a poi de promissas votivas, benit dadu a totu sos chi bi sunt.  

Sant'Antoni dae Padova est una festa sentida meda dae sos Botidesos e si festat su 13 de Làmpadas. In sos ùrtimos annos est organitzada dae sos giovanos de sa bidda. Si faghet in tres dies cun manifestatziones religiosas e folklorìsticas.

Un’àtera festa est cussa de sa Biada Vergine de su Rosàriu chi si festat su 7 de Santu Aine chi est una festa religiosa.

Intre sas festas chi non si faghent prus bi sunt sa festa de S.Bantine che si festaiat su 6 de Làmpadas e sa festa de Santu Isidoro(protetore de sos massajos). Custa si festaiat sa prima chida de Maju cun un’isfilada. Si preparaiat unu carru cun sos boes frunidos cun ghirlandas de pabaranzolu, e in s’isfilada si giughiat s’àrdia de Santu Isidoro.

Intre sas manifestatziones chi si faghent onni annu b’est sa passigiada ecològica, organitzada dae sa Comuna onni 1 Maju. A mangianu si faghet sa missa e a poi sa passigiada in fora de sa bidda e a mesudie si manigat totu paris in su Parcu de Santu Istevene.

In sa bidda bi sunt 3 butegas de alimentares: 2 in sa carrela manna,  e s’àtera in sa piata de Santa rughe, una fioraia in sa carrela manna, un’edìcola, 5 tzilleris e unu panifìtziu. In s’essida de sa bidda, in s’istrada pro Nuoro, b’at una butega de mòbiles.

SU COSTUME.                                  

Su costume de sas fèminas de Bòtida, est unu de sos prus caraterìsticos de su folklore sardu. Est fatu dae su mucadore e sa tiazola. su coritu e s'imbustu, sa gonna niedda e sa fardita (grembiule). Su costume de sos mascros s’assimitzat meda a cussu impreadu in àteras biddas de sa Sardigna. Su costume oe, benit impreadu dae medas Giovanos e piseddos chi si lu ponent in sas festas traditzionales.                             

MÀNDIGOS E DURCHES.

Sos mandigos traditzionales de Bòtida sunt: sa piscadura, sos Cicioneddos, sos culurgiones, sos macarrones furriados. Sos durches traditzionales de Botida sunt sas tilicas, sos cotzulos, sos papassinos, sas mandagadas, sas oruletas, sas catas, sa tumballa. Famìlias medas preparant su pane fresa e sa cogone, su pane fatu de simula.

                                                                                                           Homepage

Iscrienos