SA BIDDA.

Sos printzìpios de Bòtida sunt contados in unu documentu chi est in  su libru de Don Ena intituladu “Adiu Bono, Bottidda…e Bolìa”. Don Ena iscriet chi Bòtida est istada fundada dae sos Grecos e in antis si cramaiat Gocille. A pustis sa bidda est istada ocupada dae àteras gentes chi ant mudadu custu nùmene siat in sa pronùntzia siat in s’iscritura. Gai sa C diventat T = Gotille. Sa G diventat  B = Botille. Ille diventat Idda = Bottidda o Bottida. Assentadu in pianura, a un artària de  396 m. s.l.m. suta su colle  “Monte de sa Corona”, Bòtida at unu panorama bellu meda, pro sa presèntzia a ponente de s’imponente pedra in granitu in sa cale naschet su Casteddu de su Goceano. Sas testimoniàntzias de su tempus coladu non sunt medas: sa Crèsia de Santa Maria de sos Anghelos(1606-1622), connota comente Crèsia de Sant’Antoni, sa crèsia parrochiale de Nostra segnora de su Rosàriu(1860), e sos pagos esempros de domos antigas. Medas e bene curadas sunt sas piatas pintadas dae murales fatos dae Tony Amos e àteros famosos artistas tataresos. Sa populatzione contas prus a mancu unas 800 pessonas.

SAS CARRELAS MANNAS.

In s’antighidade sa bidda, pro comente est posta, fit luntanu meda dae sas carrelas prus mannas e importantes e fit duncas isolada. Oe, Bòtida est cullegada cun àteras biddas dae corrieras chi colant in sa 128 bis, (caminu istrintu e prenu de tziradas), chi andat dae su Riu Mannu fintzas a Othieri. In Bòtida bi sunt totu sas carrelas incatramadas: Sa carrela prus manna est su Cursu Regina Elena, Inoghe c’at palatos de giudu, si frimmant sas corrieras e sos giovanos passitzant e b’at butegas medas. Intro bidda b’at piatas chi sunt frunidas dae Murales. In sa piata de “Santa Rughe” in su tempus antigu b’ aiat una crèsia.

In Bòtida  c’at testimoniàtzias istòricos-archeològicas bellas medas e gente meda benit dae fora pro las bìdere: Che sunt nuraghes, testimongios de sa presèntzia de s’òmine in su tempus antigu: sos magiores sunt : su de  Orculana,  su de sa Corona,  su de Mastru Porcu, su de Orrios, su de Sa Pietade, su de Ortivai, su de Su Pasciarzu. interessantes Meda sunt sas tumbas de sos gigantes de Sa Corona e su Pasciarzu, rinvènnidas a curtzu a sos nuraghes chi ant su matessi nùmene.  

CONVENTU  FRANTZISCANU DE MONTE RASU. I

In Monte Rasu, b’at una crèsia bella meda e unu cunventu antigu, ristruturadu, dae sos frantziscanos. Fraigadu in su 1220, est unu de sos primos nàschidos in Sardigna. Sa traditzione narat chi Padre Parente est mortu inoghe. Sos frades frantziscanos istaiant inoghe dae s’annu de sa fundatzione, 1220-1237, fintzas a su 1860. Su conventu e sa crèsia dedicada a S.Maria de sos Ànghelos, sunt istadas restauradas in su 1927 dae Cav. Pellegrino Giannasi chi fit su mere.

                                                                                                           Homepage

                 Iscrienos